香港專業教育學院（英文：Hong Kong Institute of Vocational Education，縮寫：IVE），香港職業訓練局機構成員，喺1999年3月由兩間科技學院同七間工業學院合併成為一所協作學院，改名做 香港專業教育學院至今日。 九間分校分別係：柴灣、黃克競、李惠利、沙田、葵湧、觀塘、青衣、摩利臣山、屯門。 主要為中六畢業生提供一年制基礎文憑同兩年制高級文憑課程。 學術範疇包括：應用科學、工商管理、幼兒、長者及社會服務、設計、工程、旅館、服務及旅遊學、資訊科技、語言等類別。

歷史

香港專業教育學院前身係「工業學院（Technical Institute，簡稱TI）」同「香港科技學院（Technical College，簡稱TC）」，由原來嘅七間工業學院（李惠利、黃克競、葵湧、沙田、屯門 、觀塘同摩理臣山）同埋兩間科技學院（柴灣、青衣）喺1999年合併而成。 九間分校曾以校組（Nexus）制度管理，分為三個校組：柴灣校組（包括柴灣、黃克競同李惠利分校）、青衣校組（包括青衣、摩理臣山同屯門分校 ）同沙田校組（包括沙田、葵湧同池池），呢個制度沿用至2008/09學年取消，由2009/10年度開始，由學科主導管理制度（Discipline Matrix Management System）取代至今。

開辦科目

香港專業教育學院所提供嘅課程涵蓋9個學科，包括（以課程編號分類排列）：

1 - 應用科學

2 - 工商管理

3 - 幼兒教育及社會服務

4 - 資訊科技

5 - 建造工程

6 - 設計、印製、紡織及製衣

7 - 電機及電子工程

8 - 飯店、服務及旅遊學

9 - 機械、製造及工業工程

0 - 基礎文憑

所有課程由學院屬下9間分校開辦。

分校

香港專業教育學院嗆九間分校如下：

柴灣分校，前身係香港科技學院（柴灣）

摩理臣山分校，前身係摩理臣山工業學院

觀塘分校，前身係觀塘工業學院

李惠利分校（九龍塘），前身為李惠利工業學院

黃克競分校（長沙灣），前身為黃克競工業學院

葵湧分校，前身係葵湧工業學院

青衣分校，前身係香港科技學院（青衣）

沙田分校，前身係沙田工業學院

屯門分校，前身為屯門工業學院